«Հայաստանը հայտնել եւ հայտնում է, որ պատրաստ է ստորագրել խաղաղության պայմանագիր: Այս պրոցեսում Ադրբեջանն է եղել ապակառուցողական կողմը թե՛ իր ագրեսիվ քաղաքականությամբ, ռազմական ագրեսիաների միջոցով, թե՛ նաեւ դիվանագիտական հարթակներում ապակառուցողական դիրքորոշումներով»:
Հարցին՝ հայկական կողմի կարմիր գծերը փոխվե՞լ են, թե՞ ոչ, ի՞նչն է մնացել՝ Խանդանյանը փորձեց պատասխանել, թե՝ «ՀՀ ինքնիշխանության…», լրագրողները միջամտեցին՝ ո՞րը, որ արդեն չկա՞՝ նկատի ունենալով, որ խաղաղության պայմանագրով էլ բանակցում էին ԼՂ բնակչության անվտանգության եւ իրավունքների պաշտպանության շուրջ, որն արդեն անիմաստ է:
Ի պատասխան՝ Խանդանյանն առաջարկեց մյուս ընտրություններին հայտ ներկայացնել քաղաքական, դառնալ պատգամավոր ու խոսել. «ՀՀ-ի կարմիր գիծն է հիմք ընդունելով Ալմա Աթայի հռչակագիրը՝ ՀՀ տարածքային ամբողջականության 29.800 քկմ-ի հարգում, ինչ վերաբերում է կոմունիկացիաների բացմանը, ՀՀ-ում բոլոր ճանապարհները պետք է լինեն ՀՀ ինքնիշխանության եւ իրավազորության ներքո»:
Խանդանյանն ասաց, որ Հայաստանը հավատարիմ է եղել իր խոստումներին ու ամեն ինչ իր կողմից կատարել է, Ադրբեջանի նկատմամբ ոչ բավարար ճնշումը մեզ բերել է այս իրավիճակին:
Կարդացեք նաև
Հռիփսիմե ՋԵԲԵՋՅԱՆ
