Խորհրդարանական հայտարարությունների ժամին ԱԺ նախագահ Ալեն Սիմոնյանն անդրադարձավ «Պատիվ ունեմ» խմբակցության պատգամավոր Տիգրան Աբրահամյանի ելույթին։
«Ես կուզեի, որ պարոն Աբրահամյանն այդ պատմությունն ուրիշ տեղից սկսեր, օրինակ, սկսեր 1999 թվականի հոկտեմբերի 27-ից, երբ Սերժ Սարգսյանը ԱԱԾ սուպեր նախարարն էր, եւ այստեղ տեղի ունեցավ ոճրագործություն, որը գլխատեց Հայաստանի Հանրապետությունը։ Իսկ Սերժ Սարգսյանը այդ պահին չգիտես ինչու դահլիճում չէր։ Հետո եղավ 2001 թվականի մարտի 1-ը, գնդակահարվեցին ՀՀ քաղաքացիներ, ոստիկաններ, հետո 1980-ականների զենքերը, հետո 2018 թվականի Սերժն ասաց՝ Նիկոլը ճիշտ էր, ես սխալվեցի։ Հետո ՀՀԿ խմբակի ներկայացուցիչն ասում էր՝ Արցախը վերցրեցինք, հաջորդը Հայաստանն է։ Այդ պատմությունը պետք է այդտեղից սկսել»,- ասաց Ալեն Սիմոնյանը։
Անդրադառնալով Պրահայի հանդիպմանը եւ ձեռք բերված պայմանավորվածությանը, Ալեն Սիմոնյանն ասաց․ «Յուրաքանչյուր քաղաքական գործիչ, որը կքննադատի 1991 թվականի Ալմա-Աթայի հռչակագիրը, կքննադատի Պրահայի համաձայնությունը, խոսում է Հայաստանի Հանրապետության ինքնիշխանության կորստի մասին։ ՀՀ-ն անկախացել է 1991 թվականի այդ փաստաթղթի հիման վրա»։
Կարդացեք նաև
Ռոզա ՀՈՎՀԱՆՆԻՍՅԱՆ
