Հայաստանի խորհրդարանի կողմից Հռոմի ստատուտի վավերացումը «ոչ կոռեկտ» որոշում է, պաշտոնական Երևանին ուղղված հարցեր են առաջացել, հայտարարել է ՌԴ նախագահի մամուլի քարտուղար Դմիտրի Պեսկովը:
«Հայաստանի գործող իշխանություններին ուղղված հավելյալ հարցեր կառաջանան, դրանք նախապես փոխանցվել էին հայկական կողմին: Կասկածում ենք և ի սկզբանե կասկածել ենք, թե երկկողմ հարաբերությունների տեսանկյունից Հայաստանի միանալը Միջազգային քրեական դատարանի Հռոմի ստատուտին կոռեկտ է։ Նախկինի պես համարում ենք, որ դա ոչ կոռեկտ որոշում է», – նշել է նա:
Պեսկովը կարծում է, որ Հայաստանում շատերն են հասկանում՝ ներկայումս ՀԱՊԿ-ի մեխանիզմներն ու հայ-ռուսական գործընկերությունը բացարձակապես անփոխարինելի են: Նրա խոսքով՝ ռուսական կողմը չէր ցանկանա, որ Վլադիմիր Պուտինը ստիպված լինի երբևէ հրաժարվել այցելել Հայաստան:
Պեսկովը նաև նշել է, որ պետք է ուսումնասիրել Մոսկվայի և Երևանի միջև հնարավոր համաձայնագրի մասին հայկական կողմի գաղափարը, որը թույլ կտա խուսափել Միջազգային քրեական դատարանի հետ կապված խնդիրներից:
Կարդացեք նաև
Ռուսաստանի նախագահի մամուլի խոսնակն ընդգծել է, որ սպասվում է լուրջ խոսակցություն Հայաստանի կողմից Հռոմի ստատուտը վավերացնելու հարցով:
