«Ե՛վ Հռոմի ստատուտը վավերացնելը, ե՛ւ Կիեւ գնալը հակահայկական քայլեր են։ Ցավոք սրտի, դրա հետեւանքը կրելու ենք մենք, ժողովուրդն է կրելու: Տեսեք, սահմանին նույնիսկ ֆուռերի հետ կապված խնդիրներ են առաջացել»,- այսօր լրագրողների հետ զրույցում ասաց «Հայաստան» խմբակցության պատգամավոր Արթուր Խաչատրյանը:
Ըստ նրա, ՌԴ-ից սպառնալիքները սպասելի են այսքանից հետո, թե կոնկրետ ի՞նչ կարող է անել ՌԴ-ն, ինչպե՞ս կպատժի՝ Արթուր Խաչատրյանն ասաց, որ եթե ասի, վաղը ՔՊ մեծամասնությունն ասելու է՝ հուշեցիք ռուսներին․ «Մենյուն շատ մեծ է: Տեսեք՝ ինչ տեղի ունեցավ Վրաստանում 2008-ից հետո»:
ՀՀ իշխանություններն ասում են, թե խաղաղության են գնում Թուրքիայի հետ, մինչդեռ Թուրքիան դիմել է՝ Մեծամորի ատոմակայանը փակելու պահանջով: Արթուր Խաչատրյանն ասաց, որ դա սպասելի էր, հիշեցրեց ՀՀ ԱԳ նախարար Արարատ Միրզոյանի խոսքը՝ ի դեմս Ադրբեջանի, չունեն գործընկեր խաղաղության գործընթացում: Ի դեմս Ադրբեջանի եւ Թուրքիայի՛ մենք չունենք գործընկեր խաղաղության գործընթացում: Իրենց համար խաղաղությունը դա «հանգչիր խաղաղությամբ» է նշանակում»:
Ըստ նրա, Թուրքիան սրանով փորձում է նոր մարտահրավերներ ստեղծել ու էներգետիկ ճգնաժամ ստեղծել ՀՀ-ում:
Կարդացեք նաև
Հռիփսիմե ՋԵԲԵՋՅԱՆ
