Ermenihaber. Ստամբուլում հրատարակվող հայկական «Ակոս» թերթի կայքում հրապարակվել է «Զանգեզուրի միջանցքում համառության պատճառը» վերտառությամբ հոդվածը:
Հրապարակման մեջ նշվում է, որ 44-օրյա պատերազմից հետո ի հայտ է եկել «Զանգեզուրի միջանցքի» մասին հարցը, որը պետք է կապի Նախիջևանը ու Ադրբեջանը և անցնի Հայաստանի տարածքով: Մյուս կողմից նշվում է, որ Հայաստանը պատրաստ է բացել տրանսպորտային կապուղիները, սակայն տրամաբանորեն դեմ է մի միջանցքի, որը չի գտնվի իր վերահսկողության տակ և կանցնի իր տարածքով։
Շեշտվում է, որ կարծես թե Թուրքիայի նախագահ Էրդողանն ու Իլհամ Ալիևը ցանկանում են իրականացնել այս նախագիծը՝ օգտվելով ռազմական ոլորտում Հայաստանի թուլությունից և Երևանի և Մոսկվայի միջև «առկա սառը քամիներից»։ Ըստ հրապարակման` դա հստակ երևում էր Էրդողանի եւ Ալիևի Նախիջեւանում արած հայտարարություններից։
