ՀՀ հատուկ հանձնարարություններով դեսպան Էդմոն Մարուքյանը X սոցիալական ցանցի իր էջում պատասխանել է փորձագետ Ռոբերտ Քաթլերի այն գրառմանը, ըստ որի՝ Լեռնային Ղարաբաղից բռնի տեղահանվածներն իբր փախստական չեն:
Մարուքյանը հիշեցրել է փախստականների կարգավիճակի մասին 1951 թվականի կոնվենցիան, որտեղ փախստականի մասին հստակ սահմանում կա: Մարուքյանն իր գրառմանը նաև լուսանկար է կցել, որտեղ երևում է, որ Քաթլերն արգելափակել է իրեն:
Նշենք, որ Քաթլերը գրել էր. «1. Նրանք երբեք չեն ունեցել Ադրբեջանի քաղաքացիություն և դե ֆակտո չեն ապրել Ադրբեջանի Հանրապետության իշխանության ներքո, հետևաբար՝ նրանք ներքին տեղահանված անձինք չեն։
2. Նրանք փաստացի մուտք են գործում այն երկիր, որի անձնագիրն ունեն (Հայաստան), հետևաբար՝ փախստական չեն»:
Կարդացեք նաև
Ի պատասխան՝ Մարուքյանը գրել է. «Այս, այսպես կոչված, «աշխարհահռչակ փորձագետը», որն ինձ արգելափակել է՝ համոզվելու համար, որ ես չեմ տեսնում իր մտքի գոհարները, պնդում է, որ Լեռնային Ղարաբաղի բնակիչները փախստական չեն, և այդպիսով հաստատում է Լեռնային Ղարաբաղի հայերի էթնիկ զտումը: Ես պարզապես մտածում եմ, թե ինչ է նա ծխում, կամ ինչպես է աշխատում նրա ուղեղը, որպեսզի ստիպեմ նրան մտածել այնպես, ինչպես մտածում են մարդիկ, ովքեր փախչում են մի երկրից մյուսը»:
Թարգմանությունը՝ 1in.am-ի
This so called "world-famous expert" according to Azeri propaganda, who blocked me to make sure I don’t see the marvels of his thoughts, claims that the people of Nagorno Karabakh are not refugees and, thus, validates the ethnic cleansing of Armenians of Nagorno Karabakh. I am… pic.twitter.com/DEuuEZipoZ
— Edmon Marukyan (@edmarukyan) October 1, 2023
