Լավ լուրն այն է, որ այս պահին աշխատաշուկան բավականին ակտիվ է, գործադիրը պետք է աջակցի նաև մասնագետներին իրենց ոլորտներում աշխատանք գտնել, ովքեր որոշակի ոլորտին կապվածություն չունեն, ապա այլ արժանապատիվ աշխատանքով ապահովվեն։ Այս մասին այսօր ՀՀ կառավարության նիստում ուրախությամբ հայտարարեց Նիկոլ Փաշինյանը:
Անդրադառնալով այս պահին Արցախից 66 500 բռնի տեղահանվածների կացարաններով ապահովելու կառավարության գործողություններին, նա նշեց, որ բոլորին կացարան առաջարկվում է, սակայն ոմանք նշում են, որ ունեն կացարանի հասցեներ։
«Մենք չենք կարող որևէ մեկին պարտադրել որևէ տեղում գտնվել, պարզապես որոշակի քաղաքականություն ենք վարում և փորձում ենք նաև որոշակի տրամաբանությամբ մեր եղբայրներին և քույրերին առաջարկել կեցավայրեր»,– ասաց Փաշինյանը։
Նրա խոսքով, օրինակ, թոշակառուները կվճարվեն ՀՀ թոշակային համակարգին համապատասխան։ Բացի օթևանի տրամադրման ծրագրից՝ կառավարությունը դիտարկում է նաև սննդի քարտերի թողարկման հարցը։
Կարդացեք նաև
«Մեր տրամադրած օթևաններում կտեսնենք, թե էլ ինչ լրացուցիչ անհրաժեշտություններ և կարիքներ կան և հաջորդ փուլում կփորձենք հնարավորինս արագ սոցիալական որոշակի ծառայությունների շահառու քաղաքացիներին ներառել ՀՀ սոցիալական ծառայությունների ցանկում»,– ասաց Փաշինյանը։
Մանրամասները՝ տեսանյութում
Լուսինե ՄԱՐԳԱՐՅԱՆ
Լուսանկարը Դավիթ Հակոբյանի
