«Միասին» այլընտրանքային հասարակական-քաղաքական շարժումը խոր մտահոգությամբ ահազանգում է, որ Հակարիի կամրջի ապօրինի անցակետում Իլհամ Ալիևի ցեղասպան վարչախումբը, ի խախտումն բռնազավթված Արցախից Հայաստան հումանիտար միջանցքի ապահովման իրենց հայտարարությունների, առևանգել է Արցախի Հանրապետության նախկին պետնախարար, հայտնի հասարակական-քաղաքական գործիչ Ռուբեն Վարդանյանին, որն անմիջապես ձերբակալվել և տեղափոխվել է Բաքու։
Արցախի վերջնական հայաթափման, էթնիկ զտումների դեռևս անպատիժ ադրբեջանական քաղաքականության հետևանքով տեղի ունեցած հերթական ապօրինությունը պետք է խստորեն դատապարտվի և կանխվի, հակառակ դեպքում՝ Արցախի ներկա և նախկին բոլոր պաշտոնյաներին սպառնում է նման վտանգ։ Ռուս խաղաղապահները պետք է կատարեն իրենց վերապահված առաքելությունը։
«Միասին» այլընտրանքային հասարակական-քաղաքական շարժումը պահանջում է ՀՀ իշխանություններից և միջազգային պատկան կառույցներից անհապաղ գործուն ջանքեր ներդնել Ռուբեն Վարդանյանին ադրբեջանական գերությունից ազատելու համար։
«Միասին» այլընտրանքային հասարակական-քաղաքական շարժում
Կարդացեք նաև
