Նախիջևանից վերադառնալիս Թուրքիայի նախագահ Ռեջեփ Թայիփ Էրդողանը պատասխանել է լրագրողների հարցերին։
Ներկայացնում ենք հիմնական հատվածները։
🔻Էրդողանը կրկին Նախիջևանը կոչել է «դեպի թյուրքական աշխարհ բացվող դարպաս»։
🔻«Մենք ակնկալում ենք, որ Հայաստանն այժմ կդրսևորի ուժեղ կամք, այլ ոչ թե կերկարաձգի գործընթացը։ Այս ակնկալիքը ես հայտնել եմ նաև ՀՀ վարչապետ Նիկոլ Փաշինյանի հետ սեպտեմբերի 11-ին հեռախոսազրույցի ընթացքում: Մենք չենք տեսնում որևէ խնդիր, որը չի կարող լուծվել Ադրբեջանի տարածքային ամբողջականության, ինքնիշխանության պահպանման դեպքում»։
Կարդացեք նաև
🔻«Նախիջևանի և Ադրբեջանի մյուս շրջանների հետ մեր ուղիղ հաղորդակցությունը ավտոմոբիլային և երկաթուղային ճանապարհներով էլ ավելի կամրապնդի մեր հարաբերությունները։ Այդ պատճառով մենք բոլոր ջանքերը կգործադրենք, որպեսզի այդ միջանցքը հնարավորինս շուտ բացվի»։
🔻«Թուրքիայի և Ադրբեջանի համար շատ կարևոր այս միջանցքի իրականացումը ռազմավարական հարց է և, անկասկած, իրականացվելու է: Երբ այդ միջանցքը բացվի, Բաքվից մեկնող մեքենան կամ գնացքը կարող են հասնել անմիջապես Կարս։ Թուրք-ադրբեջանական եղբայրությունը էլ ավելի կուժեղանա»։
