«Ազատություն». «Ադրբեջանի ավտորիտար առաջնորդի՝ հայերով բնակեցված անկլավի դեմ հարձակումից հետո Մեծ Բրիտանիայի նախկին վարչապետ Թոնի Բլերը հայտնվել է հանրային ճնշման ներքո՝ Բաքվի հետ խոշոր էներգետիկ համաձայնագրի օգտին լոբբիստական գործունեություն ծավալելու պատճառով», – օրերս գրել է Politico Europe հանդեսը։
Պարբերականի տեղեկություններով՝ եվրոպական իրավապաշտպան կառույցները պահանջում են մանրակրկիտ ստուգման ենթարկել Բլերի կապերը Բաքվի հետ։
«Թոնի Բլերը Ալիևի հետ սերտ կապեր է հաստատել վարչապետի պաշտոնը լքելուց հետո, երբ սկսեց միլիոններ աշխատել աշխարհի տարբեր պետությունների կառավարությունների և խոշոր ընկերությունների համար որպես խորհրդատու աշխատելով», – գրում է Politico Europe-ը՝ նշելով, որ դրանց թվում էր նաև աշխարհի ամենաազդեցիկ էներգետիկ կոնցերններից մեկը՝ Ադրբեջանում ներկայացված BP-ն։
«Այս ընկերության գլխավորությամբ գործող կոնսորցիումը Բլերի ծառայություններից սկսել է օգտվել 2014 թվականին՝ Իլհամ Ալիևի կողմից փայփայվող մի ծրագիր իրականացնելով, ըստ որի, ադրբեջանական գազը պետք է Ադրբեջանից արտահանվեր Եվրոպա», -գրում է պարբերականն՝ ընդգծելով, որ մի շարք տեղեկությունների համաձայն, Հարավային Կովկասից մինչև իտալական «Ապուլիա» նավահանգիստը ձգվող «Տրանս-Ադրիատիկ» խողովակաշարի կառուցման հարցը 2018 թվականին Բլերը քննարկել է անգամ այն ժամանակ Իտալիայի ներքին գործերի նախարարի պաշտոնը զբաղեցնող Մատեո Սալվինիի հետ։
Կարդացեք նաև
Մեծ Բրիտանիայի նախկին վարչապետին ուղղված քննադատության հիմնական պատճառը Ադրբեջանի իշխանությունների հետ սերտ կապերն են։
Գեւորգ ՍՏԱՄԲՈԼՑՅԱՆ
Նյութն ամբողջությամբ՝ սկզբնաղբյուր կայքում:
