44-օրյա պատերազմում զոհված զինվորների ծնողների «Որդիների կանչ» կազմակերպության ներկայացուցիչ Արա Ռոստոմյանն այսօր Հանրապետության հրապարակում Նիկոլ Փաշինյանի հրաժարականի պահանջով հանրահավաքի ժամանակ ասաց. «Երեկ ինձ համար ծանր օր էր, որովհետեւ հանձնեցին որդուս՝ Ռոստի պահած Մարտակերտը: Մարտակերտը ինչքան մարտակերտցիներինն էր, այդքան էլ Ռոստինն էր, բայց հանձնեց այսօրվա իշխանությունը: Իմ տղեն երբեք չի ուզեցել դառնալ ծայրագավառական, ինքը կռվել է անկախության համար, Արցախի՛ անկախության համար, իսկ այսօր փորձում են իշխանությունները ժողովրդին բաժանեն անկախականների եւ ծայրագավառականների: Իրանք անկախականներն են, մենք՝ ծայրագավառականները: Ու 5000 տղերքին ուզում են ասեն՝ նրանք ծայրագավառական էին, հա՞: 2020-ի հոկտեմբերի 5-ին որդուս ընկերը զանգում է ու Ռոստս ասում է՝ պատերազմը ծախված է, արդեն գիտեր, որ օրվա իշխանությունները ծախել են այդ պատերազմը, բայց ինքը մնաց կռվեց այդ հողի համար, որն ինքը համարում էր իրենը: Արցախը մեր հողն է, արցախցիները՝ մեր քույրերն ու եղբայրները»:
Արա Ռոստոմյանը հորդորեց իր ելույթի ժամանակ ծափ չտալ, Արցախը վատ վիճակում է, անհարմար զգաց:
Անդրադառնալով կոմիտեի աշխատանքներին՝ նա ասաց. «Էս Նիկոլը կոմիտեի հագով չի, ոնց որ ասում էին՝ մի կուսակցության հագով չի, կոմիտեի հագով էլ չի, պետք է խմբերը շատանան միասին կկարողանանք ազատվել այս չարիքից»:
Կարդացեք նաև
Հռիփսիմե ՋԵԲԵՋՅԱՆ
