X-ի իր միկրոբլոգում գրառում է կատարել Հայաստանի արտաքին գործերի նախկին նախարար Զոհրաբ Մնացականյանը՝ անդրադառնալով Արցախի դեմ Բաքվի լայնամասշտաբ հարձակմանը:
«ՄԱԿ-ի Գլխավոր ասամբլեայի 78-րդ նստաշրջանի բացման օրն Ադրբեջանի նախագահը թքում է միջազգային հանրության երեսին և հարձակվում Արցախի վրա: Նա քաջատեղյակ է, որ անգործությունը և տաղտկալի հայտարարությունները մարդկության դեմ հանցագործությունների իրագործման և անպատժելիության համար կանաչ լույս են»:
Ավելի ուշ, Զոհրաբ Մնացականյանը ևս մեկ գրառմամբ է հանդես եկել: «Արցախի ապօրինի շրջափակմամբ, սովահարությամբ, պարտադրանքով և հյուծմամբ Ադրբեջանի նախագահը մուտք է գործել բռնի տեղահանումների, էթնիկ զտման և ցեղասպանության ակտիվ փուլ»:
Մնացականյանի բնորոշմամբ՝ Ադրբեջանի հանցավոր ռեժիմին կանգնեցնելու համար անհրաժեշտ է ՄԱԿ-ի Անվտանգության խորհրդի կողմից ՄԱԿ կանոնադրության 7-րդ գլխում ամրագրված դրույթների իրականացումը, որը վերաբերում է խաղաղության վտանգման, խաղաղության խախտման և ագրեսիայի հարցերին:
Կարդացեք նաև
Հիշեցնենք՝ Զոհրաբ Մնացականյանը ՀՀ ԱԳ նախարարի պաշտոնը զբաղեցրել է 2018-ի մայիսից մինչև 2020-ի նոյեմբերը:
Արսեն ԱՅՎԱԶՅԱՆ
From illegal blockade of #Artsakh , starvation, coercion, attrition @azpresident entered the active phase of forced displacements, ethnic cleansing & genocide. #UNSC Chapter VII action is necessary to stop #Azeri criminal regime
— Zohrab Mnatsakanyan (@ZMnatsakanyan) September 19, 2023
