Ermenihaber. Եվրամիության (ԵՄ) արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը X (Twitter) միկրոբլոգում անդրադարձել է Թուրքիայի արտգործնախարար Հաքան Ֆիդանի հետ Նյու Յորքում կայացած հանդիպմանը։
Բորելը նշել է, որ ՄԱԿ-ի 78-րդ վեհաժողովի շրջանակներում հնարավորություն է ունեցել Ֆիդանի հետ կարծիքներ փոխանակելու։
Նա մասնավորապես նշել է․ «ԵՄ հանձնաժողովի հետ միասին նախքան ԵՄ Խորհրդին զեկույց ներկայացնելը խոսել ենք ԵՄ-Թուրքիա հարաբերություններում ձեռնարկվելիք ապագա քայլերի մասին»։
Բորելը նաև հայտնել է, որ Ֆիդանի հետ քննարկել են Ղարաբաղում ծայրահեղ մտահոգիչ վիճակը։
Կարդացեք նաև
Հիշեցնենք, որ հունիս ամսին կայացած առաջնորդների գագաթնաժողովի ընթացքում ԵՄ խորհուրդը նշել է, որ Բորելը և ԵՄ հանձնաժողովը զեկույց կպատրաստեն Թուրքիայի հետ հարաբերությունների վերաբերյալ, որը կքննարկվի աշնանը՝ Թուրքիայում մայիսի 28-ին տեղի ունեցած նախագահական ընտրությունների արդյունքների լույսի ներքո։
