«Հանրային լայն զանգվածայնությունը պետք բերի փոփոխության, իսկ եթե ռադիկալ գործողություն եք ուզում, ես ինքս կողմնակից եմ առանց ցնցումների ամբողջական իշխանափոխության»,- Հանրապետության հրապարակում հանրահավաքից առաջ լրագրողներին ասաց Անդրանիկ Թեւանյանը:
Թե կոնկրետ ինչպես պետք է հասնեն իշխանափոխության, նրա խոսքով՝ անընդհատ մարդկանց պետք է ներգրավեն գործընթացում. «Այն գործողությունները, որ իրականացվում են, մեր բոլորի պարտքն է, մենք անում ենք մաքսիմալ հնարավորը»:
Կարդացեք նաև
Թե ինչու երեկ մարեցին շարժումը՝ հանրահավաքային հին խոսույթով ու ելույթներով՝ Թեւանյանը չընդունեց. «Մենք չենք մարել, դա դեմագոգիկ կեղծ հայտարարություն է, որեւէ մեկը չի վերցրել պատասխանատվություն: Մենք պետք է ժողովրդի հետ լինենք, միացել ենք այդ պրոցեսին, մեր ժողովուրդը ինքը կգնահատի»:
Դիտարկմանը, որ դասադուլի կոչ արեցիք, չարձագանքեցին՝ Թեւանյանը պատասխանեց, որ դա էլ կլինի, մեկ օրվա գործ չի:
Հռիփսիմե ՋԵԲԵՋՅԱՆ
