«Ապրելու երկիր» կուսակցության համահիմնադիր Մեսրոպ Առաքելյանի ֆեյսբուքյան գրառումը
Նույնիսկ այս ողբերգական պահին Նիկոլ Փաշինյանը չի դադարում մեղադրել արցախցիներին։
Այս անգամ էլ Արցախի իշխանություններին, որոնք պարտադրված ստորագրում են բացառապես ադրբեջանցիների կողմից կազմված փաստաթուղթը, որտեղ նշված է, որ «Արցախի տարածքից դուրս են բերվում ՀՀ ԶՈւ մնացած ստորաբաժանումները»։
Նիկոլ Փաշինյանը սա համարում է հարված Հայաստանին, իբր թե արցախցիներն ընդունում են, որ Արցախում ՀՀ զինված ուժեր կան։
Կարդացեք նաև
Սա ասում է Նիկոլ Փաշինյանը, որը նոյեմբերի 9-ին պարտադրված է եղել ստորագրել հետևյալը՝ «Հայաստանի Հանրապետությունն Ադրբեջանի Հանրապետությանը վերադարձնում է Քելբաջարի շրջանը՝ մինչև 2020 թվականի նոյեմբերի 15-ը, իսկ Լաչինի շրջանը՝ մինչև 2020 թվականի դեկտեմբերի 1-ը»։
Փաստորեն, մինչև 2020թ․ Քարվաճառն ու Լաչինը եղել են Հայաստանի Հանրապետության, ոչ թե Արցախի Հանրապետության տարածք։
Թերևս, եկել է ձեր հավերժական լռության ժամանակը…
