ԵԽ պատգամավորները կոչ են անում անհապաղ դադարեցնել բոլոր ռազմական գործողությունները:
ԵԽ Արտաքին հարաբերությունների հանձնաժողովի նախագահ, Եվրախորհրդարանի պատգամավոր Դեյվիդ Մաքալիսթերը, Հարավային Կովկասի հետ հարաբերությունների պատվիրակության նախագահ, Եվրախորհրդարանի պատգամավոր Մարինա Կալջուրանդը, Եվրախորհրդարանի Հայաստանի հարցով մշտական զեկուցող, Եվրախորհրդարանի պատգամավոր Անդրեյ Կովատչևը և Եվրախորհրդարանի Ադրբեջանի հարցով մշտական զեկուցող Ժելյանա Զովկոն համատեղ հայտարարությամբ են հանդես եկել Ադրբեջանի կողմից Լեռնային Ղարաբաղի վրա հարձակման վերաբերյալ:
«Մենք խստորեն դատապարտում ենք այսօր Ադրբեջանի նախապես ծրագրված և չարդարացված հարձակումը Լեռնային Ղարաբաղի դեմ: Մենք ցավում ենք օրվա սկզբում ականների պայթյունների հետևանքով զոհերի համար և մեր ցավակցությունն ենք հայտնում զոհվածների ընտանիքներին: Սակայն դա ոչ մի դեպքում չի արդարացնում Ադրբեջանի լայնածավալ ռազմական էսկալացիան: Հստակ, նախապես ծրագրված հարձակումը շփման գծի ողջ երկայնքով, որը տեղի է ունեցել պայթյուններից ընդամենը մի քանի ժամ անց և վերջին շաբաթների ընթացքում նկատվող ադրբեջանական զինուժի կուտակումն ու ագրեսիվ հռետորաբանությունը բացարձակապես անընդունելի են»,-ասված է հայտարարության մեջ։
ԵԽ պատգամավորները կոչ են անում անհապաղ դադարեցնել բոլոր ռազմական գործողությունները՝ հայտարարելով. «Բաքվի և Ստեփանակերտի միջև ուղիղ բանակցությունները Լեռնային Ղարաբաղի հայերի և Ադրբեջանի հարաբերություններում առաջընթացի հասնելու միակ միջոցն են, և ԵՄ-ն միշտ պատրաստ է եղել աջակցել այդ գործընթացին։
Կարդացեք նաև
Մենք ափսոսում ենք այն փաստի առթիվ, որ Բաքվի հարձակումը լրջորեն խաթարում է Ադրբեջանի և Հայաստանի միջև ընթացող խաղաղ բանակցությունները և կոչ ենք անում Ադրբեջանի նախագահին ընդունել Հայաստանի վարչապետի վերջին կոչերը՝ վերսկսելու բանակցություններն ամենաբարձր մակարդակով։
Հիշում ենք, որ հարձակումը տեղի է ունենում Լեռնային Ղարաբաղում մեծ հումանիտար ճգնաժամի համատեքստում՝ Ադրբեջանի կողմից վերջին ինն ամիսներին Լաչինի միջանցքի շրջափակումից հետո՝ խախտելով Բաքվի ստանձնած պարտավորությունները 2020 թվականի նոյեմբերի 9-ի հրադադարի մասին հայտարարությամբ և Արդարադատության միջազգային դատարանի պարտադիր որոշումներով: Մարդասիրական մուտքը Լեռնային Ղարաբաղ պետք է ամբողջությամբ և մշտապես վերականգնվի։
Ամբողջությամբ՝ սկզբնաղբյուրում:
