«Հումանիտար միջանցքը, որի մասին հայտարարել է Ադրբեջանը, բլեֆ է։ Այդպիսով ուզում են հայաթափել Արցախը։ Իմ քույրը ռմբակոծվող Ստեփանակերտից դուրս չի գալու»,- կառավարության շենքի մոտ հայտարարեց արցախցի Նարե Սիմոնյանը։ Նա կոչ արեց չտրվել նման «փաղաքշիչ» հայտարարություններին եւ հավաքվել կառավարության շենքի մոտ, հիշեցնելով, որ տարբեր դեսպանատներում հանդիպումների ժամանակ ուղիղ կամ անուղղակի իրենց ասել են, որ հարցերը պետք է լուծել Հայաստանի կառավարության հետ, քանի որ Հայաստանի կառավարությունն է Արցախը ճանաչել Ադրբեջանի մաս։
Կրքերը այստեղ ժամանակ առ ժամանակ բորբոքվում են, կառավարության շենքը հսկող ոստիկանների հետ պարբերաբար լարված խոսակցություններ են լինում։ Ցույցը գլխավորողները հորդորում են սադրանքների չտրվել։
Նաեւ մարդկանց հորդորում են միանալ իրենց, քանի որ անկախ նրանից, որ Արցախը ռմբակոծվում է, սահմանն անցնում է Երեւանով։ Այստեղ սպասում են նաեւ Երեւանի ավագանու ընտրություններին մասնակից 14 քաղաքական ուժերին։
Կարդացեք նաև
Քաղաքացիները փակել են Տիգրան Մեծ պողոտան։
Այլ մանրամասները՝ տեսանյութում։
Նելլի ԳՐԻԳՈՐՅԱՆ
