«Մեր մոտ շատ ծանր իրավիճակ է։ Ադրբեջանի կողմից լայնածավալ ռազմական գործողություն է սկսվել Արցախի 120 000 բնակիչների՝ 30 000 երեխաների, հղի կանանց, ծերերի դեմ․․․ահա, լսեք, կրակոցի ձայներն են»,-քիչ առաջ իր «տելեգրամյան» ալիքում տեղադրված տեսանյութով Ստեփանակերտից հայտարարել է «Մենք ենք մեր սարերը» տարածքային գործակալության համահիմնադիր, Արցախի Հանրապետության նախկին պետնախարար Ռուբեն Վարդանյանը։
Նա ասել է․ «Ադրբեջանի ղեկավարության անպատժելիությունն ապշեցնում է․ իրենց թույլ են տալիս ՄԱԿ-ի նիստի օրով ոչնչացնել մարդկանց։ Մինչեւ այդ էլ շրջափակեցին ենթադրաբար այն պատճառով, որ զգում էին՝ անպատիժ են մնալու։ Ողջ աշխարհին կոչ եմ անում պատժամիջոցներ կիրառել Ադրբեջանի դեմ։ Հայաստանին կոչ եմ անում ճանաչել Արցախի անկախությունը, մեր ինքնորոշման իրավունքը»։
Ըստ Ռուբեն Վարդանյանի՝ «Դա հնարավոր է դարձել, որովհետև նրանք զգում են, որ իրենց բոլոր հանցագործություններն անպատիժ են մնում:
Բոլորին հիմա մի բան եմ խնդրում, բոլորդ կարող եք օգնել։ Բարձրացրեք ձեր ձայնը ամեն տեղ աշխարհում։ Փորձեք ամեն ձևով գրավել որոշումներ կայացնող մարդկանց ուշադրությունը, Ամերիկայում, Եվրոպայում, Ռուսաստանում, Արևելքում:
Կարդացեք նաև
Հայաստանում պետք է փոխել մեր իշխանության դիրքորոշումը։ Մենք բոլորս պիտի դուրս գանք և միաձայն պահանջենք կանգնել Արցախի կողքին»։
Հիշեցնենք, որ սեպտեմբերի 19-ին Ադրբեջանը լայնամասշտաբ հարձակում է սկսել Արցախի հանրապետության դեմ։
