«Yandex Plus» ծառայությունն այժմ հասանելի է Viva-MTS-ի «X» և «Y» սակագնային պլանների կանխավճարային և հետվճարային բաժանորդների համար:
Երաժշտություն և փոդքասթներ «Yandex Music»-ում, ֆիլմեր և սերիալներ «Kinopoisk»-ում, էլեկտրոնային և աուդիոգրքեր «Bookmate»-ում, ինչպես նաև «Yandex Go» հավելվածի «Կոմֆորտ» և դրանից բարձր սակագներով 10%-ով մատչելի ճամփորդելու հնարավորություն:
«Վիվա-ՄՏՍ-ն իր գործընկերների հետ միշտ ձգտում է իր բաժանորդներին տալ ավելին, քան ձայնային ծսռայություններն են և համացանցը։ Դրանցից է «Yandex Plus» փաթեթը, որը թույլ է տալիս մեր բաժանորդներին օգտվել ոչ միայն ժամանցի հարթակներից, այլև զգալիորեն ավելի շահավետ երթևեկելու հնարավորությունից։ «X» և «Y» սակագնային պլաններով տրամադրվող ծառայությունների ցանկը շարունակաբար ընդլայնվում է»,- նշեց Վիվա-ՄՏՍ ընկերության գլխավոր տնօրեն Արմեն Ավետիսյանը։
«Հայաստանում «Yandex Plus»-ի նկատմամբ մեծ հետաքրքրություն ենք տեսնում, մեր բաժանորդների թիվը սրընթաց աճում է։ Մենք իսկապես ցանկանում ենք ուրախացնել նրանց, ուստի պարբերաբար թարմացնում ենք ֆիլմերի և սերիալների, երաժշտության և գրքերի կատալոգը: «X» և «Y» սակագնային պլանների բաժանորդների համար առաջատար Վիվա-ՄՏՍ ընկերության հետ մեր համատեղ մշակված առաջարկը «Yandex Plus» ծառայությունն էլ ավելի հասանելի կլինի օգտատերերի համար: Այժմ բաժանորդագրության համար պետք չէ առանձին վճարել, քանի որ արժեքը արդեն ներառված է «X» և «Y» սակագնային պլաններում»,- նշեց Yandex Plus-ի միջազգային զարգացման ղեկավար Վլադիմիր Գորբունովը:
Կարդացեք նաև
Վիվա-ՄՏՍ-ի «X» և «Y» սակագնային պլանների կանխավճարային և հետվճարային բաժանորդները կարող են ակտիվացնել «Yandex Plus» ծառայությունը «My Viva-MTS» հավելվածում: Կանխավճարային բաժանորդագրության դեպքում ծառայությունն ակտիվանում է ներառված փաթեթների հաջորդ ակտիվացման պահին, իսկ հետվճարայինների դեպքում՝ ակտիվացմանը հաջորդող ամսվա առաջին օրը:
Ի դեպ, «Yandex Plus» ծառայությունից օգտվելիս սակագնային պլանով տրամադրվող հիմնական ինտերնետ-փաթեթի ՄԲ-երը չեն սպառվում:
Հավելվածները հասանելի են AppStore-ում և Google Play-ում։
Վիվա-ՄՏՍ-ը (ՄՏՍ Հայաստան ՓԲԸ) Հայաստանի շարժական կապի առաջատար օպերատորն է, որն ունի ամենաընդարձակ ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը՝ հիմնադրման օրվանից` 2005թ. հուլիսի 1-ից, Վիվա-ՄՏՍ-ը կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Վիվա-ՄՏՍ-ը նորարարությունների առաջատար է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Վիվա-ՄՏՍ-ը գործունեության մեջ առաջնորդվում է ISO 26000` Սոցիալական պատասխանատվության, ISO/IEC 27001:2013` Տեղեկատվական անվտանգության կառավարման համակարգի, ինչպես նաև ISO 37001` հակակոռուպցիոն և կաշառակերության կանխարգելմանն ուղղված միջազգային ստանդարտներով: Հավելյալ տեղեկություններ ստանալու համար այցելեք www.mts.am
