Արդեն հաղորդել ենք, որ ԿԸՀ հրապարակած նախնական արդյունքների համաձայն` Երեւանի ավագանի ընտրվելու անհրաժեշտ շեմը հաղթահարել է հինգ ուժ։
Առաջին տեղում է «Քաղաքացիական պայմանագիր» կուսակցություն-32․57%։
Երկրորդ տեղում է «Ազգային առաջընթաց» կուսակցությունը-18․89%։
Երրորդ տեղում է «Մայր Հայաստան» դաշինքը-15.43%։
Կարդացեք նաև
Չորրորդ տեղում է «Հանրապետություն» կուսակցությունը-11.32%
Հինգերորդ տեղում է «Հանրային ձայն» կուսակցությունը-9,68%։
«Անկախ դիտորդ» դիտորդական առաքելության ներկայացուցիչ Դանիել Իոաննիսյանը հաղորդում է՝ ԿԸՀ-ի կայքում բոլոր 475 տեղամասերի հրապարակված արդյունքների պահպանման դեպքում մանդատները կբաշխվեն հետևյալ կերպ՝
«Քաղաքացիական պայմանագիր» – 24
«Ազգային առաջընթաց» – 14
«Մայր Հայաստան» – 12
«Հանրապետություն» – 8
«Հանրային ձայն»- 7»։
Քանի որ որևէ կուսակցության կամ դաշինքի չհաջողվեց ստանալ 50 տոկոսից ավելի քվե, քաղաքապետին պետք է ընտրի ավագանին՝ իր կազմից: Երեւանի քաղաքապետ ընտրելու համար անհրաժեշտ է լինելու կոալիցիայի ձեւավորում:
Ակնհայտ է, որ հնարավոր է «Քաղաքացիական պայմանագիր» եւ «Հանրապետություն» կոալիցիա։ Եվ հիշեցնենք, որ «Ազգային առաջընթացի» ցուցակը գլխավորող Հայկ Մարությանը բազմիցս բացառել է կոալիցիան նախկինների հետ նույնականացվող ուժերի հետ, ըստ այդմ՝ քիչ հնարավոր է երկրորդ եւ երրորդ տեղը զբաղեցնողների համագործակցաբար հանդես գալը։
Վերլուծաբանները հույս են հայտնում, որ «Հանրային ձայնի» հետ դաշինք կազմող չի լինի։
