«Այս ընտրակարգով երկրորդ փուլ հասկացողություն չկա»,-այս մասին քիչ առաջ հրավիրված ասուլիսում ասաց ԿԸՀ քարտուղար Արմեն Սմբատյանը։
Նա, ներկայացնելով օրենսդրությունն, ասաց՝ եթե Երեւանի ավագանու որեւէ խմբակցություն չի ստանում 33 կամ ավելի մանդատ եւ ավտոմատ կերպով այդ խմբակցության առաջին համարը քաղաքապետ չի ընտրվում, ապա Երեւանի ավագանին պարտավոր է առաջին նիստից հետո երկու շաբաթվա ընթացքում ընտրել քաղաքապետ․ «Եթե չի հաջողվում քաղաքապետ ընտրել, ապա այդ դեպքում Երեւանի տեղական ինքնակառավարման օրենսդրության համաձայն` կրճատվում է ավագանու լիազորությունների ժամկետը եւ նշանակվում են նոր արտահերթ ընտրություններ, որի մասին խոսելը շատ վաղ է, քանի որ դեռ շատ քիչ տեղամասերի արդյունքներ ունենք, որպեսզի ենթադրենք, թե որ կուսակցությունը քանի մանդատ կստանա»։
Նելլի ԲԱԲԱՅԱՆ
