Պ.գ.թ., թյուրքագետ Վարուժան Գեղամյանն իր տելեգրամյան ալիքում գրում է՝
Էրդողանը քիչ առաջ հայտարարեց, որ նախատեսում է կազմակերպել Էրդողան-Ալիև-Փաշինյան-Պուտին քառակողմ հանդիպում:
«Հայկական ալիք»-ը, մանրամասնելով, գրում է՝ Թուրքիայի նախագահ Ռ. Թ. Էրդողանը Հայաստանի, Ռուսաստանի և Ադրբեջանի ղեկավարներին առաջարկել է քառակողմ հանդիպում անցկացնել Արցախի հարցով։
Հետաքրքրական է, որ Էրդողանը նշել է, որ առաջարկել է կողմերին հանդիպում անցկացնել «ոչ թե (հարցի հետ – խմբ.) կապ, առնչություն չունեցող, այլ այս պահին խնդրի մեջ ներգրավված ղեկավարներով»։
Կարդացեք նաև
Փաստացի, Թուրքիան, ՀՀ դե ֆակտո իշխանությունների թույլատրությամբ և աջակցությամբ, պաշտոնապես ներկայանում է որպես Արցախյան հակամարտության կողմ, մինչդեռ նախկինում ՀՀ իշխանությունները դիվանագիտական մակարդակում մշտապես փորձել են խոչընդոտել Թուրքիայի այդ փորձերը։
Բանակցությունների մեջ ներգրավվելու Թուրքիայի ջանքերը անհրաժեշտ է դիտարկել նաև Հարավային Կովկասում ազդեցության համար Ռուսաստանի հետ պայքարի և ռուսական զորքերը աստիճանաբար դուրս մղելու միջոցով՝ տարածաշրջանի անվտանգային ճարտարապետության մեջ թուրք-արևմտյան գործոնի դերը ուժեղացնելու համատեքստում։
