Ռումինիայի Մամայա քաղաքում ավարտվեց շախմատի Եվրոպայի պատանիների եւ աղջիկների (մինչեւ 8, 10, 12, 14, 16, 18 տարեկաններ) առաջնությունը, որտեղ Հայաստանը ներկայացված է 36 մասնակցով։
Մեր շախմատիստներից գերազանց հանդես եկավ տղաների ավագ տարիքային խմբում ընդգրկված Արսեն Դավթյանը (լուսանկարում)։ 17-ամյա Արսենը մեկնարկում անհաջողության մատնվելուց հետո մնացած բոլոր ութ տուրերում պարտության մատնեց բոլոր մրցակիցներին եւ նվաճեց Եվրոպայի մինչեւ 18 տարեկանների չեմպիոնի կոչումը։
Ինչպես տեղեկացնում է Հայաստանի շախմատի ֆեդերացիան, Արսեն Դավթյանը Ռումինիայում երկրորդ անգամ լրացրեց միջազգային վարպետի նորմա։
Լավ հանդես եկավ նաեւ 14 տարեկան տղաների պայքարին մասնակցող Բենիկ Աղասարովը, որը ինը հնարավորից վաստակեց 7,5 միավոր եւ դարձավ Եվրոպայի առաջնության արծաթե մեդալակիր։
Կարդացեք նաև
Մեր աղջիկներից լավագույն արդյունքը ցույց է տվել G14 խմբում հանդես եկած Սոնա Կրկյաշարյանը։ Նա 6,5 միավորով հանգրվանել է 5-րդ հորիզոնականում։
Աշոտ ՀԱԿՈԲՅԱՆ
