Հայաստանում կենսաթոշակառուները 2023 թվականի օգոստոսին 5 մլրդ 500 հազար դրամի անկանխիկ առևտուր են արել։ Այս մասին այսօր կառավարության նիստում տեղեկացրեց Նիկոլ Փաշինյանն ու խոսքը փոխանցեց ՀՀ աշխատանքի և սոցիալական հարցերի նախարար Նարեկ Մկրտչյանին։
Նա նշեց, որ կենսաթոշակով անկանխիկ առևտրի համակարգին միացել են նոր բանկեր ու քաղաքացիներ։ 2023 թ. օգոստոսին համակարգին միացել է Հայէկոնոմբանկը, ինչի արդյունքում, ըստ նախարարի, 15 հազար նոր քաղաքացի է միացել համակարգին։
Այս պահին կենսաթոշակային քարտով անկանխիկ առևտուր է անում, ընդհանուր առմամբ 141 հազար անձ։ Անկանխիկ առևտրի հետվճարների ծավալը միայն օգոստոսին կազմել է 419 մլն դրամ։
Նարեկ Մկրտչյանը տեղեկացրեց, որ համակարգին շուտով կմիանա նաև Յունիբանկը, ու մինչև տարեվերջ շահառուների բավականին մեծ թիվ կլինի։
Կարդացեք նաև
«Մեկ տարվա ընթացքում անկանխիկի առևտրի ընդհանուր ծավալը կազմել է 43.2 մլրդ դրամ, իսկ որպես հետվճար ընդհանուր վերադարձվել է 3.6 մլրդ դրամ»,– նշեց Մկրտչյանը՝ հավելելով, որ թոշակառուների 20-25 տոկոսն արդեն միացել է համակարգին։
Մանրամասները՝ տեսանյութում
Լուսինե ՄԱՐԳԱՐՅԱՆ
