ՀՀ կառավարությունն այսօրվա նիստում որոշեց վերաբաշխում կատարել բյուջեով ԿԳՄՍ նախարարության կապիտալ ծրագրերի իրականացման համար հատկացված ֆինանսական միջոցներում ՝ 3 մլրդ. 134 մլն. 615 հազար դրամի չափով:
«Կատարվող փոփոխությունների նպատակն է ապահովել անհրաժեշտ հատկացումները 2023թ ավարտվող շինարարական ծրագրերի համար: Ինչպես գիտեք, մեր 300 դպրոցների և 500 մանկապարտեզների շենքային պայմանների ապահովման ծրագրի շրջանակներում մի շարք ծրագրեր կան մոդուլային դպրոցների ու մանկապարտեզների հետ կապված»,-ասաց ԿԳՄՍ նախարար Ժաննա Անդրեասյանը:
Նախարար Անդրեասյանի զեկույցից հետո Նիկոլ Փաշինյանը թվարկեց ծրագրով նախատեսված դպրոցներն ու մանկապարտեզները։
Նրա խոսքով, այն դպրոցները, որոնք այս պահի դրությամբ արդեն նորոգված են և շահագործման են հանձնված, դրանց հզորությունը թույլ է տալիս ընդունել 14 700 աշակերտ:
Կարդացեք նաև
«Այսինքն` մենք այս պահի դրությամբ արդեն 14 700 աշակերտի համար լիարժեք նոր դպրոցներ ենք կառուցել:
300 դպրոց կառուցելու ծրագիրը բավականին լավ տեմպերով ընթանում է: Իհարկե, մենք խնդիր ունենք մեր արագությունների մասին մեր պատկերացումները փոխել: Այսօր այդ նպատակով նաև մեր չզեկուցվող հարցերի մեջ Քաղաքաշինության կոմիտեի հաստիքացուցակը լրացրել ենք 80 նոր հաստիքով: Դրա հիմնական նպատակը 300 դպրոց, 500 մանկապարտեզ ծրագրի տեմպը մեծացնելն է»,-ասաց Փաշինյանը:
Մանրամասները՝ տեսանյութում
Լուսինե ՄԱՐԳԱՐՅԱՆ
