Անդրե դը Բյուսի շնորհավորական ուղերձը Սամվել Շահրամանյանին
Բելգիայում ֆրանսախոս բարեկամության շրջանակի համակարգող Անդրե դը Բյուսը, բարեկամության շրջանակի անունից, շնորհավորական նամակ է հղել Արցախի Հանրապետության նորընտիր նախագահ Սամվել Շահրամանյանին, որը թարգմանաբար ներկայացնում ենք ստորև․
Պարոն նախագահ,
Տեղեկացանք, որ ընտրվել եք Արցախի/Լեռնային Ղարաբաղի Հանրապետության նախագահ,
ջերմորեն շնորհավորում ենք։
Կարդացեք նաև
Ներկա պայմաններում Ձեր ընտրությունն այս պաշտոնում իրական հույս է առաջին հերթին Արցախի բնակիչների, բայց նաև մեզանից յուրաքանչյուրի համար, որոնք հատկապես ուշադիր են այն զարգացումներին, որոնք հնարավորություն կտան վերացնել ներկայիս շրջափակումն ու ամենօրյա տառապանքը։
Ձեր ընտրությունը նաև նշան է, որ Արցախի Հանրապետության համար ժողովրդավարությունը մնում է որպես հիմնարար արժեք։ Թող դա լինի Ձեր և Ձեր բոլոր քաղաքացիների արժանապատվության հիմքում:
Խնդրում եմ նկատել՝ մենք առանձնահատուկ ուշադրություն ենք դարձնում իրավիճակի զարգացմանը, որը նույնպես մեծապես ազդում է մեզ վրա, քանի որ մենք հնարավորություն, պատիվ և հաճույք ենք ունեցել բացահայտելու Ձեր հոյակերտ երկիրը և հյուրընկալվելու այնտեղ:
Այս համատեքստում առավել քան երբևէ Ձեզ ենք հայտնում ենք մեր աջակցությունը։
ՀՅԴ Բյուրոյի Հայ Դատի կենտրոնական գրասենյակ
