Ռումինիայում ընթացող շախմատի Եվրոպայի պատանիների եւ աղջիկների (8-ից 18 տարեկաններ) առաջնությունում Հայաստանի շախմատիստները մի քանի տարիքային խմբերում առաջատարների շարքում են։ Մասնավորապես հաջող են հանդես գալիս տղաները։
Մրցաշարի ավարտից երկու տուր առաջ Տիգրան Համբարձումյանը 6,0 միավորով բաժանում է առաջին հորիզոնականը 12 տարեկանների պայքարում։ 14 տարեկանների մրցակցությունում Բենիկ Աղասարովը նույնպես վաստակել է 6,0 միավոր ու երկու առաջատարներից մեկն է, իսկ նրա հասակակից Ալբերտո Աթոյանը 5,5 միավորով ընթանում է չորրորդ տեղում։ Հաջող է հանդես գալիս 18-ամյա Արսեն Դավթյանը, որը յոթ տուրում կորցրել է ընդամենը մեկ միավոր ու իր տարիքային խմբի մրցաշարային աղյուսակը գլխավորողներից մեկն է, իսկ իսկ Էրիկ Գասպարյանը 5,5 միավորով առայժմ երրորդն է 16 տարեկանների պայքարում։
Աշոտ ՀԱԿՈԲՅԱՆ
