Ինչպես արդեն տեղեկացրել ենք, սեպտեմբերի 12-ին ՀՀ ԱԺ-ն իրականացրել է ՀՀ ԱԺ «Պատիվ ունեմ» եւ ԱԺ «Հայաստան» խմբակցությունների՝ Մրցակցության պաշտպանության հանձնաժողովի անդամի պաշտոնում Անահիտ Սարգսյանի թեկնածությունն առաջադրելու հարցը։ ԱԺ հաշվիչ հանձնախմբի նախագահ Նարեկ Բաբայանը տեղեկացրել է, որ 107 պատգամավորից քվեարկությանը մասնակցել է 33-ը: Առաջադրված թեկնածուի օգտին կողմ է քվեարկել 33 պատգամավոր: Անահիտ Սարգսյանի թեկնածությունը խորհրդարանը չի հաստատել:
Այս առիթով Անահիտ Սարգսյանը MediaHub.am-ի հետ զրույցում նշել է․ «Դե, իհարկե սպասելի էր, չէ որ իմ խոսքի, ելույթի ժամանակ կարևորվեցին ոչ թե իմ մասնագիտական գիտելիքները, իմ պրոֆեսիոնալ անցած ճանապարհը, այլ իմ ֆեյսբուքյան գրառումները, որոնք, ի դեպ, իմ խոսքի ազատության դրսևորումն են հանդիսանում»։
Ըստ Անահիտ Սարգսյանի՝ հետաքրքրական է, որ օրենսդրական բարեփոխման արդյունքում, փաստորեն, ընդդիմությունն ունի 2 թեկնածու ներկայացնելու իրավունք, որոնք 2-ն էլ թափուր մնացին:
«Այսինքն, տվյալ բարեփոխումը ձևական բնույթ է կրում, քանի որ նրանք ինձ չընտրեցին ոչ իշխանահաճո գրառումների համար: Բնական է, որ ընդդիմության թեկնածուն չպետք է սիրով տոգորված լիներ իշխանության նկատմամբ»։
Կարդացեք նաև
Տաթև ՀԱՐՈՒԹՅՈՒՆՅԱՆ
Մանրախնդիր մանրապճեղները ոնց ? կարող էին ընդդիմադիր թեկնածուի թեկնածությունը հաստատել։