Հայաստանի հատուկ հանձնարարություններով դեսպան Էդմոն Մարուքյանը «X»-ի իր միկրոբլոգում (նախկինում՝ Թվիթեր) գրել է.
Հայաստանի և Ադրբեջանի միջև վստահության բացակայությունը ֆունդամենտալ խնդիր է և այն պետք է լուծել, որպեսզի խաղաղ գործընթացում նշանակալի արդյունքներ լինեն։
Վստահաբար կարող եմ փաստել, որ Հայաստանի վարչապետը վերջին երկու տարիների ընթացքում ձեռնարկել է բոլոր հնարավոր և անհնար թվացող քայլերը՝ խաղաղ բանակցություններում վստահություն ձևավորելու՝ Հայաստանի և Ադրբեջանի միջև երկարատև խաղաղության հասնելու համար։
Ի պատասխան այդ քայլերի՝ Ադրբեջանը շարունակում է իր բանտերում պահել ռազմագերիներին և այլ քաղաքացիական անձանց, Հայաստանի տարածքից և Լաչինի միջանցքից առևանգել նոր պատանդների, իր զորքերը դուրս չի բերել Հայաստանի ինքնիշխան տարածքներից՝ պարբերաբար հարձակվելով, ավելի շատ մարդկանց է սպանում և վիրավորում, արգելափակում է հաղորդակցությունները, տորպեդահարում պետական սահմանների սահմանազատման գործընթացը, շրջափակել ու սովի է մատնում Լեռնային Ղարաբաղի 120 000 բնակիչներին, մերժում Բաքվի և Ստեփանակերտի միջև բանակցությունները՝ միջազգային մեխանիզմի ներքո։
Կարդացեք նաև
Այս ամենը խաթարել է ու շարունակում է վնաս հասցնել խաղաղ գործընթացին, ինչպես նաև դրանում ներգրավված միջնորդների ջանքերին։
Այժմ, այս ամենի հետ մեկտեղ, Ադրբեջանը զորքեր է կուտակել Լեռնային Ղարաբաղի հետ շփման գծի և Հայաստանի ինքնիշխան տարածքի երկայնքով և իր պետական քարոզչությունը կենտրոնացրել է պատերազմական խոսույթի վրա՝ սպառնալով տարածաշրջանային փխրուն խաղաղությանը:
Խաղաղ գործընթացը հասկանալի կետի վերադարձնելու համար միջազգային հանրությունը և միջնորդները միջնորդները պետք է Ադրբեջանից պահանջեն համարժեք քայլեր ձեռնարկել՝ ի պատասխան վստահությունն ամրապնդելուն ուղղված Հայաստանի քայլերի։
Դրա արդյունքում Ադրբեջանը պետք է դադարեցնի Լեռնային Ղարաբաղի շրջափակումը, միջազգային մեխանիզմի ներքո բանակցություններ սկսի Լեռնային Ղարաբաղի ներկայացուցիչների հետ, որը կերաշխավորի Լեռնային Ղարաբաղի ժողովրդի իրավունքներն ու անվտանգությունը, պետք է դուրս հանի իր զինված ուժերը Հայաստանի սուվերեն տարածքից, ազատի ադրբեջանական բանտերում պահվող բոլոր ռազմագերիներին և քաղաքացիական անձանց, սկսի սահմանազատման գործընթացը 1975 թվականի քարտեզի հիման վրա, ապաշրջափակի բոլոր տրանսպորտային հաղորդակցությունները կողմերի սուվերենության և ազգային օրենսդրությունների հիման վրա:
Սրանք նվազագույն քայլերն են, որոնք կարող են վստահություն ստեղծել տարածաշրջանում երկարատև խաղաղություն հաստատելու համար։
The lack of confidence between Armenia and Azerbaijan is a fundamental problem and it must be solved in order to reach any meaningful results in the peace process.
— Edmon Marukyan (@edmarukyan) September 12, 2023
I can confidently state that during the last two years, the Prime Minister of Armenia has taken all possible and…
