«Փաստինֆո». Երեւանի ավագանու ընտրությունների քարոզարշավ ընթացքում իշխանությունները բացահայտ օգտագործում են վարչական ռեսուրսը, խախտում բոլոր հնարավոր օրենքները։
Այսպես՝ Նիկոլ Փաշինյանն այսօր աշխատանքային ժամին զբաղված էր Ավինյանի քարոզչությամբ. շրջել է տարբեր վարչական շրջաններում, ծանոթացել հիմնանորոգման աշխատանքներին։
Հիմա կասեք՝ ինչ քարոզչություն, սովորական աշխատանքային այց է։ Այդպես հնարավոր կլիներ մեկնաբանել, եթե ի թիվս այլոց նրան ուղեկցեր Երեւանի քաղաքապետի պաշտոնակատարը եւ ոչ թե ՔՊ-ի քաղաքապետի թեկնածու Տիգրան Ավինյանը։
Ճիշտ է, նա նաեւ քաղաքապետի տեղակալ է, բայց արձակուրդի մեջ գտնվող։ Համենայն դեպս՝ իր արձակուրդում գտնվելու մասին Ավինյանն անձամբ է հայտարարել, իսկ Փաշինյանին ուղեկցելու համար նրան արձակուրդիչ ոչ ոք հետ չի կանչել։ ՔՊ-ի շտաբից «Փաստինֆո»-ի հարցմանն ի պատասխան հայտնել են, որ նա այսօր մասնակցելու է քարոզարշավին։ Ասել է թե՝ պաշտոնապես արձակուրդի մեջ է ու հանդես է գալիս որպես քաղաքապետի թեկնածու, ում իր հետ ման է տվել Փաշինյանը։
Կարդացեք նաև
Նկատենք, որ ուղեկցողների թվում է եղել նաեւ քովիդի գործով մեծ շուքով ձերբակալված քաղաքապետի տեղակալ Գևորգ Սիմոնյանը, որը ոչ միայն ազատ արձակվեց, այլ շարունակում է պաշտոնավարել, իր պատվավոր տեղը զբաղեցնել Ավինյանի թիմում եւ ուղեկցել Փաշինյանին իր երեւանյան այցերի ժամանակ։
