«Քաղաքացիական պայմանագիր» կուսակցության Երեւանի քաղաքապետի թեկնածու, Երեւանի փոխքաղաքապետ Տիգրան Ավինյանն այսօր լրագրողների հետ ճեպազրույցում անդրադարձավ Ծիծեռնակաբերդի հուշահամալիր տանող ճանապարհի քանդմանը։
Հարցին, թե ո՞ւմ որոշմամբ է ճանապարհը քանդվել, Ավինյանը պատասխանեց․ «Համալիրի մեր գործընկերները դեռեւս այս տարվա սկզբին քաղաքապետարանին խնդրել են երկրորդային կարեւոր ճանապարհ բացել, որովհետեւ այդ երկրորդային ճանապարհը հնարավորություն է ստեղծում հրդեհի, տարբեր հնարավոր աղետների դեպքում տարհանել մարդկանց։ Այն, ինչ իրականացվում է, պահանջը եղել է հենց Համալիրից»։
Ավինյանը հավելեց․ «Ուզում եմ հիշեցնել, որ սեպտեմբերի 9-ին մենք Համալիրի դիմաց ունենք Դեմիրճյանի արձանի բացման արարողությունը։ Համալիրի 40-ամյակն ենք նշում եւ շատ գեղեցիկ պուրակ ենք այնտեղ կառուցում»։
Կարդացեք նաև
Ռոզա ՀՈՎՀԱՆՆԻՍՅԱՆ
Հ․ Գ․ Մեջբերում ենք ԱՇԽԱՏԵLOVE նախաձեռնության հիմնադիր Էդուարդ Հայրումյանի ֆեյսբուքյան գրառումից․ «Երևանի քաղաքապետարանի պատվերով Ծիծեռնակաբերդի ճեմուղու 250 մետր հատվածի 6.5 մետր լայնությամբ ճեմուղին ամբողջությամբ քանդվել է։
Ճեմուղին կառուցվել էր 1983 թվականին և մինչ օրս չուներ գեթ մեկ ջարդված տոմետ կամ եզրաքար։
Ճեմուղու տակ արված էր 20 սմ-ից հաստ բետոն։
Երևանի քաղաքապետարանը պարզաբանեց, որ այդտեղով ճանապարհ է բացում դեպի համալիր՝ միջոցառումների ժամանակ և հրդեհի դեպքում օգտագործելու համար, այնինչ մենք ճշտեցինք, որ այդ ճանապարհով հարկ եղած դեպքում միշտ էլ հրշեջ մեքենան հանգիստ բարձրացել է։
Շինարարությունն ընթանում էր օրենքի կոպիտ խախտումներով՝
— Չկար տարածքի սահմանազատում։
— Չկար ինֆորմացիոն վահանակ։
— Չկար ծառերի սահմանազատում։
— Քաղաքապետարանը նախօրոք չէր հրապարակել և այսօր ևս չտրամադրեց նախագիծ՝ դրա փոխարեն բերել էին 1983 թվականի թղթի պատճեն՝ վրան կարմիր գրիչով խզբզած։
Ոստիկանները ձերբակալեցին 3 հոգու՝ տարածքում կանգնելու համար և 3 ժամ պահելուց հետո ազատ արձակեցին։
Ճեմուղին չի պատկանում Երևանի քաղաքապետարանին և Երևանի քաղաքապետարանի բյուջեով նախատեսած չէր դրա վերանորոգումը։
Ճեմուղու աշխատանքներն իրականացվել են շատ անփույթ ձևով՝ վնասելով և՛ տոմետները, և՛ ծառերը, և՛ թփերը»։
