«Սրանք եկան ու ստով, կեղծիքով կերտեցին ստի կայսրությունը, սեւեր-սպիտակների բաժանեցին, որպեսզի խարխափենք այդ խավարի մեջ։ Իրենք ո՛չ սեւ, ո՛չ էլ սպիտակ գույնն են, իրենք դժգույնն են»,-այսօր Ազատության հրապարակում ընդդիմության հրավիրած Արցախի Հանրապետության հռչակման օրվան նվիրված հանրահավաքի ժամանակ իր ելույթ ասաց 44-օրյա պատերազմում նահատակված Վաչագան Մանուկյանի հայրը՝ Խաչիկ Մանուկյանը։
«Քանի դեռ այդ դժգույններին դուրս չենք արել, քանի դեռ նրանք բազմած են հայոց իշխանական աթոռներին, որեւէ հաղթանակ, հաջողություն չենք ունենալու։ Էդ «կլոունը» գնում, պարում է սրա նրա, թշնամիների առաջ, եւ սրանք էլ կարծում են՝ իրենք հաղթական մեկն են։ Էն ողորմելին, որ հայոց բանակի առաջ պարտվել է, որովհետեւ տարածքները հանձնվեցին պատերազմից հետո, հայ զինվորի քաջաբար պահած տարածքները հանձնեցին պատերազմից հետո՝ քաղաքական խայտառակ պարտությունը վերագրեցին մեր հաղթական զինվորին»,-ասաց Խաչիկ Մանուկյանը։
Հանրահավաքի մասնակիցները «բրավո» բացականչեցին Մանուկյանի՝ «․․․եկեք էդ ՔՊ-իստներին տանք՝ Արցախն ու Հայաստանը պահենք, ինչքան շուտ տանք, էնքան հաջողություններ շուտ ենք ունենալու» խոսքերից հետո։
«Պատերազմից հետո աշխարհն իր խիղճը Արցախում մորթեց, այն երկրները, որոնք հետամուտ էին դեմոկրատական արժեքներին, մեր հայրենակիցներին զրկեցին ինքնորոշման իրավունքից։ Հետո որ խոսեցին տարածքային ամբողջականության մասին, շատ կասկածելի էր թվում։ Էդ ինչպե՞ս է քոչվորը գալիս ու տեր է կանգնում բնիկների տարածքներին, մեր տարածքներին։ Էդ տարածքային ամբողջականությունը հիմա՞ եք հիշում, բա էն Մուշը, Վանը, Արդահանը, Կարսը, էդ չե՞ք հիշում, արա՛։ Սրանք բոլորը կուրացել են էդ ոսկուց, նավթից, մարդկային արժեքները չեն գործում այլեւս»,-ասաց Մանուկյանը, ապա հայտարարեց, որ հայ ժողովուրդը հույսն իր վրա պիտի դնի։
Կարդացեք նաև
Նելլի ԲԱԲԱՅԱՆ
