Արցախի Հանրապետության անկախության տոնը Արցախի բնակիչները մշտապես տոնում էին նաև բակերում՝ խաղերի, համերգների տեսքով:
Այս տարի պաշարված Արցախի ավանդույթը չխախտելով` Ստեփանակերտի փողոցներից մեկում Ռայա տատիկն ու Անուշևան պապիկն անակնկալ պատրաստեցին բակի երեխաների համար: Անուշևան պապիկը գառան խորոված պատրաստեց, Ռայա տատիկը հաց թխեց ու թան պատրաստեց՝ չմոռանալով վարունգ ու կաղամբի համով թթուն, տիկին Կարինեն կարտոֆիլ տապակեց. երեխաների համար բակային պիկնիկ կազմակերպեցին:
-Մեր երեխաները պետք է բոլորիս հոգատարությունն ու խնամքը զգան, որպեսզի կարողանան Արցախը հայկական պահել, նրանք են մեր ապագան,- ասաց Ռայա տատիկը, որը Ստեփանակերտում հայտնի է իր համով կարկանդակներով:
Ստեփանակերտի այս բակը մի մեծ ընտանիքի է վերածվել, որտեղ բոլորի ուշադրության կենտրոնում մանուկներն են, նրանց սնունդն ու դաստիարակությունը:
Կարդացեք նաև
Երեխաներն ասացին, որ ուժեղ ու ազատ Արցախ են ուզում, որպեսզի ապրեն ու շատանան այստեղ:
Անգամ այս բարդ ու ճգնաժամային իրավիճակում երեխաների երազանքն ազատ ու անկախ Արցախում ապրելն է:
Աշխեն ՍԱՐԳՍՅԱՆ
