Վայոց ձորի մարզում խոշոր հրդեհ է բռնկվել։ Տեղացիները պատմում են, որ լսել են ուժեղ պայթյուն, որին հաջորդել է հրդեհը, որն արագ տարածվում է սաստիկ չորացած խոտածածկ տարածքներով։
Մասնավորապես, Վայքի Մարտիրոս գյուղից դեպի Խնձորուտ գյուղ ընտրած տարածքում` Լվիս կոչվող հանդամասից սկիզբ է առել լայնածավալ հրդեհ, որն արագ տարածվում է դեպի Փոռ եւ Ազատեկ գյուղեր, Ախաչ կոչվող տարածք։ Հայտարարվել է տագնապ, հրդեհի մարմանը ներգրավել են Վայքի, Ջերմուկի եւ Եղեգնաձորի հրշեջ-փրկարար ջոկատները։
Կարդացեք նաև
Հրդեհաշիջման աշխատանքներին ներգրավվածներից տեղեկացրին, որ փորձում են արագորեն մեկուսացնել հրդեհը` թույլ չտալով, որ հասնի գյուղական տարածքներ։
Ռոզա ՀՈՎՀԱՆՆԻՍՅԱՆ
