Երևանի թատրոնի և կինոյի պետական ինստիտուտում ուսանողներին նոր ուսումնական տարվա մեկնարկի կապակցությամբ ողջունեց ԵԹԿՊԻ-ի ռեկտոր Սառա Նալբանդյանը` մաղթելով բուռն ստեղծագործական ու վերելքներով լի ուսումնական տարի։ Առաջին կուրսեցիներին դիմավորեցին կուրսի ղեկավարները։
ԵԹԿՊԻ-ի հիմնադրման 80-ամյակին նվիրված միջոցառումների շարքը մեկնարկեց հենց այսօր` «Art and Fun» թատերականացված շոուով։
Ճեմասրահում ուսանողներին, դասախոսներին և հյուրերին, որոնց շարքում էր նաև ԿԳՄՍ նորանշանակ փոխնախարար Դանիել Դանիելյանը, պարային բեմադրություններով դիմավորեցին բուհի ուսանողները և ուղեկցեցին ուսանողական թատրոնի մեծ դահլիճ։
Կարդացեք նաև
Թատերականացված շոու ծրագրի համար ընտրվել էր ուսանողական ներկայացումներից և ֆիլմերից հատվածներ։
Ելույթ ունեցան ԵԹԿՊԻ-ի ռեկտոր Սառա Նալբանդյանը, միջազգային բաժնի պետ Զարուհի Սահակյանը, նորաստեղծ քասթինգ ընկերության ղեկավար Շիրազ Մանուկյանը։
Թատերականացված շոուի ավարտին բակալավրիատի և մագիստրատուրայի նախորդ ուսումնական տարվա շրջանավարտները ստացան դիպլոմները։
Վովա ԱՐԶՈՒՄԱՆՅԱՆ
