«Քիմիկների զորամասի» անհետ կորած զինվորների մայրերի հետ ՊՆ նախարարի հանդիպումն այսօր հետաձգվել է: Ծնողները լրագրողների հետ զրույցում ասացին, որ այսօր կեսօրին հեռախոսազանգով իրենց հայտնել են, որ հանդիպումը տեղափոխվում է վաղը կեսօրին:
«Կեսօրին զանգեցին՝ գիտեք ձեր հանդիպումը վաղը երեքին է տեղափոխվում: Ես էդքան պարա՞պ եմ, որ պիտի ընկնեմ Պապիկյանի հետեւից, ինքը պետք է վազի էս ծնողների հետեւից ու ներողություն խնդրի, ոչ թե … փախնի: Մայիսի երկուսից հանդիպում է՝ էսօր էգուց: Տղամարդ է, թող դուրս գա, վախենո՞ւմ է․․․ Ախր պիտի ծառայած լինի, որ հասկանա՝ սպայի խոստումն ինչ է: Ես նախկին զինվորական եմ, առաջ գեներալ էինք տեսնում, մկան ծակն էինք փողով առնում, իսկ հիմա սաղ գնդապետ ու գեներալ են: Մեր խմբի քանի ծնող մահացավ, գիտե՞ք, էնքան են ձգձգում, մինչեւ սաղ մահանան, էլ մարդ չմնա՞ իրենցից բան պահանջող: Խաբեությամբ տարել են մեր երեխեքին պատերազմ, խաբել են, թե զոհերին գնում եք սրբեք, դուրս գաք, այնինչ այդտեղ թուրքն արդեն երեք օր նստած էր, հեռախոսազանգով էլ ասել են՝ ապրանքը հասել է տեղ: Այդպես մեր երեխեքին տարել են, հանձնել թուրքին։ Ապրանքը դուք եք, դուք: Իսկ հիմա պատասխան են տալիս՝ չգիտենք ձեր երեխեքն ուր են: Ի՞նչ է նշանակում մենք չգիտենք ՝ ձեր երեխան ուր է»,- ասաց անհետ կորած զինվորներից մեկի մայրը:
ՊՆ շենքի մոտ բազմաթիվ ոստիկաններ են տեղակայվել, ինչը ծնողներին շատ վրդովեցնում է:
«Հլը նայեք՝ քանի ոստիկան է հասնում մեկ ծնողին, որիս մոտ են դանակ նկատել, մայրերի դե՞մ են հանել էս ոստիկաններին»,- դժգոհեց ծնողներից մեկը:
Կարդացեք նաև
Արփինե ՍԻՄՈՆՅԱՆ
