ՀՀ տարածքային կառավարման և ենթակառուցվածքների նախարար Գնել Սանոսյանը կառավարության այսօրվա նիստում առաջարկեց Արարատի, Արմավիրի, Գեղարքունիքի, Լոռու, Կոտայքի, Շիրակի, Սյունիքի, Վայոց ձորի և Տավուշի մարզպետների աշխատակազմերին հատկացնել 3 մլրդ 44 մլն դրամ մի շարք սուբվենցիոն ծրագրերի՝ կառավարության մասնաբաժինը փոխհատուցելու համար:
Գնել Սանոսյանի խոսքով, ծրագրերի հիմնական մասը՝ 29 ծրագիր, 2022 թվականի են, 15 ծրագիր էլ՝ 2023 թվականի: Ընդհանուր առմամբ 25 համայնքի է գումար հատկացվում 48 սուբվենցիոն ծրագրերի համար:
«Ընդհանուր առմամբ, այս որոշման ընդունման պարագայում կառավարությունը 255 ծրագրի համար արդեն շուրջ 14.4 մլրդ դրամ կվճարի»,- նշեց նախարարը:
Սուբվենցիոն ծրագրերը ներառում են ճանապարհաշինությունից, ջրամատակարարման համակարգի արդիականացումից մինչև կրթական, մշակութային հաստատությունների տանիքների նորոգում ու մանկապարտեզի կառուցում:
Կարդացեք նաև
Ինչպես միշտ, Նիկոլ Փաշինյանը մանրամասն ներկայացրեց բոլոր 9 մարզում համաֆինանսավորվող բոլոր ծրագրերի իրականացման ընթացքը:
Մանրամասները՝ շուտով տեսանյութում
Լուսինե ՄԱՐԳԱՐՅԱՆ
