«Արմենպրես»-ի մամուլի սրահում հրավիրված ասուլիսում Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը և Բնապահպանության և ընդերքի տեսչական մարմնի ջրերի, մթնոլորտի, հողերի, թափոնների և վտանգավոր նյութերի վերահսկողության վարչության պետ Սաղաթել Պետրոսյանը խոսել են գյուղատնտեսական աշխատանքների նպատակով չոր տերևների և խոզանների այրման բացասական հետևանքների մասին։
🟧 Հրդեհները կարող են ոչնչացնել բնակմիջավայրերը, ներառյալ անտառները, առանձին էկոհամակարգերը` խոտածածկ և ջրաճահճային տարածքները: Սա հանգեցնում է տարբեր բույսերի և կենդանիների տեսակների համար կարևոր ապաստարանների և բնադրավայրերի կորստի:
🟧 Հրդեհները կարող են առաջացնել հողի էրոզիա և դեգրադացիա, ինչը ազդում է սննդանյութերի պարունակության և հողի կառուցվածքի վրա: Սա կարող է ազդել բույսերի վերականգնման և էկոհամակարգի ընդհանուր առողջության վրա: Վատթարանում է հողի օրգանական կազմը, ոչնչանում է հողային կենսաբազմազանությունը՝ հողին բարձր որակական հատկանիշներ հաղորդող անհրաժեշտ և կարևոր միկրոօրգանիզմները, նվազում է հողի խոնավությունը, նվազում է դրա բերրիությունը։
ՀՀ շրջակա միջավայրի նախարարություն
Կարդացեք նաև
