«Անխափան շարժում Բերձորի միջանցքով», «Սովի մատնությունը ցեղասպանություն է». պաստառներով եւ պահանջով այսօր Իսրայելի հայ համայնքի ներկայացուցիչները Երուսաղեմում ՄԱԿ-ի գրասենյակի դիմաց հանրահավաք էին կազմակերպել՝ ի պաշտպանություն Արցախի:
Ցուցարարների պահանջներից մեկն էր՝ պարտավորեցնել ՌԴ-ին կատարել իր ստորագրած եռակողմ հայտարարությամբ ստանձնած պարտավորությունը:
Խոսքը 2020 թվականի եռակողմ հայտարարության 6-րդ կետի մասին է՝ Բերձորի (Լաչինի) միջանցքը (5 կմ լայնությամբ), որը կապ կապահովի Արցախի (ԼՂ-ի) և Հայաստանի միջև և շարունակում է մնալ Ռուսաստանի Դաշնության խաղաղապահ կոնտինգենտի վերահսկողության տակ։
«Մեզնից որեւէ մեկը չպետք է մնա անտարբեր: Մեզնից ոչ մեկը չի կարող ասել, որ դա ինձ չի վերաբերում։ Ոչ ոք չի կարող ասել, որ ինձնից ոչինչ կախված չէ։ Հայաստանն ու Արցախը մեր տունն են»,- հայտարարում էին ցուցարարները։
Իրենց պահանջները՝ արդեն փաստաթղթային ձեւակերպմամբ, ցուցարարները փոխանցեցին նաեւ Երուսաղեմում ՄԱԿ-ի գրասենյակին՝ ակնկալելով, որ դրանք կփոխանցվեն ՄԱԿ գլխավոր քարտուղարին:
Կարդացեք նաև
Նելլի ԳՐԻԳՈՐՅԱՆ
