Ֆուտբոլի Իսպանիայի առաջնության երրորդ տուրում «Ռեալ Սոսիեդադը» այսօր մրցակցի հարկի տակ խաղալու է «Լաս-Պալմասի» հետ: Հանդիպումը մեկնարկելու է Երեւանի ժամանակով ժամը 21:30-ին:
Իսպանական մամուլը տեղեկացնում է, որ Մոսկվայի «Դինամոյից» օգոստոսի 19-ին «Ռեալ Սոսիեդադ» տեղափոխված հայ ֆուտբոլիստ, կիսապաշտպան Արսեն Զախարյանն արդեն ընդգրկվել է նոր ակումբի հայտացուցակում: Մնում է, որ գլխավոր մարզիչ Իմանոլ Ալգուասիլը նրան խաղաժամանակ տրամադրի՝ նորամուտը նշելու համար: Ավելի վաղ մարզիչը Արսեն Զախարյանի մասին ասել էր. «Նա ինձ զարմացրեց, ոչ թե խաղամակարդակով, այլ նրանով, թե ինչպես ադապտացվեց: Լավ ֆուտբոլիստները շատ արագ են ադապտացվում: Չնայած անգլերենին լավ չտիրապետելուն, նա շատ արագ ընկալեց իմ պահանջները եւ յուրացրեց»:
«Ռեալ Սոսիեդադը» երկու տուրից հետո 2 միավորով ընթանում է մրցաշարային աղյուսակի 13-րդ հորիզոնականում, իսկ «Լաս-Պալմասն» ունի մեկ միավոր եւ 15-րդն է:
Աշոտ ՀԱԿՈԲՅԱՆ
