Կովկասի բնության հիմնադրամի կողմից հերթական խոշոր աջակցությունն են ստացել ՇՄՆ կազմում գտնվող ՊՈԱԿ-ներն ու «Արփա» պահպանվող լանդշաֆտը։ Հատկացված գումարը կազմել է 355․634 եվրո, որից 2023 տարվա երկրորդ գումարային փոխանցումներն են ստացել «Զանգեզուր» կենսոլորտային համալիրը՝ 142․500 եվրո, «Խոսրովի անտառ» պետական արգելոցը՝ 66․500 եվրո, «Դիլիջան» ազգային պարկը՝ 67․646 եվրո, «Արփի լիճ» ազգային պարկը՝ 27․500 եվրո։ Նշենք, որ «Խոսրովի անտառ» պետական արգելոցին հատկացվել է հավելյալ 876․500 դրամ՝ ՊՈԱԿ-ի աշխատակիցների արտահագուստի ձեռք բերման նպատակով։
ՇՄՆ կազմում գտնվող ևս մեկ ՊՈԱԿ-ի ՝ «Հիդրոօդերևութաբանության և մոնիթորինգի կենտրոն»-ին, Կովկասի բնության հիմնադրամի կողմից հատկացվել է 38․488 եվրո դրամաշնորհ՝ կենսաբազմազանության մոնիտորինգի գիտահետազոտական աշխատանքներ իրականացնելու նպատակով։
Վայոց ձորի մարզում գտնվող «Արփա» պահպանվող լանդշաֆտին լրացուցիչ տրվել է 13․000 եվրո՝ ընթացիկ ծախսերի ֆինանսավորման նպատակով։ Հիշեցնեմ , որ պահպանվող այս տարածքին 2023 թվականի սկզբին ՝ CNF-ի կողմից հատկացվել էր 80․000 եվրո։
ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ
