Ամերիկահայ միլիարդատեր, Reddit օնլայն հարթակի համահիմնադիր Ալեքսիս Օհանյանը եւ թենիսի լեգենդ Սերենա Ուիլյամսը երկրորդ դուստրն են ունեցել։ Նորածնին կոչել են Ադիրա Ռիվեր։
«Ուրախ եմ հայտարարել, որ մեր ընտանիքը միավորում է սերը, նորածին ու առողջ մեր աղջնակն ու երջանիկ մայրը։ Շնորհակալություն, Սերենա։ Դու ինձ մեկ անգամ եւս անչափելի նվեր արեցիր։ Դու ամենալավն ես։ Շնորհակալություն ամբողջ բժշկական անձնակազմին, որը հոգ է տարել կնոջս եւ դստերս մասին»,-ասել է Ալեքսիսը։
Ալեքսիսը եւ Սերենան մեծացնում են նաեւ իրենց առաջնեկին՝ Օլիմպիային, որը լույս աշխարհ է եկել 2017 թվականի սեպտեմբերի 1-ին։
Աշոտ ՀԱԿՈԲՅԱՆ
