Ադրբեջանի խորհրդարանի պաշտպանության կոմիտեի նախագահ Զ. Ասկերովը երեկ՝ ադրբեջանական զորքերի կողմից Կապան ներխուժումից հետո հայտարարել է. «Կապանի օդանավակայանը կունենա Ստեփանակերտի օդանավակայանի ճակատագիրը։ Այն կմնա որպես թանգարանային նմուշ։ Հայաստանը պատրաստվում է սադրիչ գործողությունների, ինչպիսին Կապանի օդանավակայանի բացումն է։ Հայաստանը Ադրբեջանի հետ նման համաձայնություն չունի»։
Թյուրքագետ Վարուժան Գեղամյանն այս հայտարարությունն այսպես է մեկնաբանել․ «Երասխում գործարան չեք կարող ունենալ», «Մեծամորի ատոմակայանը պետք է փակել», «Բանակ պետք չէ», «Հայաստանի բնակչությունը 5 մլն-ը չպետք է անցնի», «Անկլավները պետք է տաք», «Ադրբեջանցիները պետք է վերադառնան Երևան ու Սևան». էս ամենը նույն շարքից է։ Ադրբեջանն ու Թուրքիան անդադար նոր պայմաններ են դնելու մեր առաջ՝ սպառնալով պատերազմով ու աստիճանաբար լիարժեք նվաճեն Հայաստանը»։
