«Փաստինֆո». Կարևորագույն խնդիրն այն է, որ Ադրբեջանը հրաժարվում է ենթարկվել Միջազգային դատարանի որոշմանը՝ Լաչինի միջանցքը բացելու մասով։
Արցախում Ադրբեջանի կողմից շարունակվող ցեղասպանության վերաբերյալ աշխարհի տարբեր քաղաքներում հեռարձակվող հրատապ ասուլիսի ընթացքում այս մասին հայտարարեց Միջազգային քրեական դատարանի նախկին դատախազ Լուիս Մորենո Օկամպոն։
«ՄԱԿ-ի ԱԽ-ն պետք է հետամուտ լինի այդ հարցին։ Իմ համոզմամբ՝ ադրբեջանական ժխտումը ցույց է տալիս, որ այդ ամենն այդ երկրի կողմից իրականացվում է ցեղասպանական նկատառումներից ելնելով։
Կարդացեք նաև
Բոլորն Ադրբեջանին ասում են բացիր միջանցքը, դու սովամահության ու մահվան ռիսկ ես ստեղծում։ Իսկ Ադրբեջանը պարզապես արհամարհում է այդ բոլոր կոչերը։ Ուրիշ ի՞նչ է պետք՝ ապացուցելու համար Ադրբեջանի ցեղասպանական նպատակները։ Կարծում եմ՝ ժամանակն է, որպեսզի ԱՄՆ նախագահ Բայդենը խոսի ՌԴ նախագահ Պուտինի հետ այդ հարցի մասին՝ քայլեր ձեռնարկել՝ վերջ տալու հայերի հանդեպ ցեղասպանությունը»,- ասաց նախկին միջազգային դատախազը։
