Հայաստանի փորձը՝ օգտագործել ՄԱԿ ԱԽ-ն իր շանտաժի արշավի մեջ, հերթական անգամ ձախողվեց: Նման հայտարարություն է տարածել Ադրբեջանի ԱԳՆ-ն:
«Հայաստանի նման փորձերը՝ մանիպուլացնել նշված բարձրագույն մարմնին և շահագործել այն, ոչ միայն հակաարդյունավետ են հետպատերազմյան շրջանում հարաբերությունների կարգավորման օրակարգն առաջ մղելու տեսանկյունից, այլև չափազանց ապակառուցողական են,- ասվում է հայտարարության մեջ:- Ադրբեջանը հույս ունի, որ Հայաստանը, ի վերջո, կհասկանա, որ հարցերի լուծման ճանապարհը կառուցողական համագործակցության և միջազգային-իրավական նորմերի և պարտավորությունների ազնիվ կատարման մեջ է»:
Ըստ Ադրբեջանի ԱԳՆ-ի՝ ՄԱԿ ԱԽ քննարկումները ևս մեկ անգամ ցույց տվեցին, որ Ադրբեջանի առաջարկը՝ օգտագործել Աղդամ-Ստեփանակերտ ճանապարհը, դրական է ընդունվել միջազգային հանրության կողմից, և որ «Հայաստանի կողմից ստեղծված խոչընդոտները պետք է վճռականորեն հեռացվեն՝ Ադրբեջանի Ղարաբաղ շրջան ապրանքների օրինական և թափանցիկ մատակարարման համար»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
