Նիդերլանդների գործնականում բոլոր քաղաքական ուժերը դիմել են երկրի վարչապետին և արտաքին գործերի նախարարին Լեռնային Ղարաբաղում ստեղծված իրավիճակի վերաբերյալ։ Այս մասին X սոցիալական ցանցի (նախկին Twitter) իր էջում գրել է Նիդերլանդներում ՀՀ դեսպան Տիգրան Բալայանը։
«Ադրբեջանի կողմից Լաչինի միջանցքի անօրինական շրջափակման վերաբերյալ ՄԱԿ-ի Անվտանգության խորհրդի արտակարգ նիստի նախօրեին, որը հետևում է Մորենո Օկամպոյի նախազգուշացումներին, Նիդեռլանդների խորհրդարանի գրեթե բոլոր քաղաքական կուսակցությունները դիմել են վարչապետին և արտաքին գործերի նախարարին. երկրի՝ Ցեղասպանության կանխարգելման կոնվենցիային համապատասխան գործելու համար»,- գրել է դեսպան Բալայանը։
