Բելառուսում ավարտվեցին ԱՊՀ երկրների 2-րդ խաղերը, որտեղ Հայաստանի մարզիկները նվաճեցին ութ մեդալ՝ 2-ական ոսկե եւ արծաթե, 4-բրոնզե։ 23 երկրների թիմային պայքարում մեր հանրապետությունը հանգրվանեց 6-րդ հորիզոնականում։
Հայաստանի հաշվարկին ոսկե մեդալ բերել են հունահռոմեական ոճի ըմբիշ, 67 կգ քաշային Սահակ Հովհաննիսյանը եւ սամբիստ, 79 կգ քաշային Բորիս Շատվերյանը, արծաթե մեդալ՝ հրաձիգ Նարե Գաբրիելյան (10 մետր օդամղիչ ատրճանակ) եւ կարատեիստ, 67 կգ քաշային Սուրեն Հարությունյանը, բրոնզե մեդալ՝ հունահռոմեական ոճի ըմբիշ, 82 կգ քաշային Սամվել Գրիգորյանը, ազատ ոճայիններ, 61 կգ քաշային Նորիկ Հարությունյանը, 86 կգ քաշային Ազատ Կարապետյանը եւ 97 կգ քաշային Սերգեյ Սարգսյանը։
ԱՊՀ երկրների 2-րդ խաղերում Հայաստանն ուներ 140 մարզիկ, որոնք հանդես եկան 14 մարզաձեւերում։
Աշոտ ՀԱԿՈԲՅԱՆ
