«Օգոստոսը վերստին նշանավորվեց ողբերգությամբ ՝ Արեումտյան Հայաստանից վերադարձող մեքենայի ավտովթարով »,- «Հայելի» ակումբում ասաց լեզվաբան, հասարակական-քաղաքական գործիչ Նարինե Դիլբարյանը՝ շարունակելով, որ զոհերի պատճառը բոլոր ոլորտներում տիրող քաոսային վիճակն է:
Անդրադառնալով Սուրմալուի զոհերի հարազատների՝ կառավարությանն ուղղված պահանջին՝ զոհվածների հիշատակին հուշակոթող տեղադրելու վերաբերյալ, Դիլբարյանն ասաց. «Ես այս կառավարությունից կպահանջեի ոչ թե հուշակաթող տեղադրել, այլ կարողանալ վերջապես կառավարում ապահովել: Իսկ եթե կառավարում չեն կարողանում ապահովել, իսկ այս ժամկետը դա է ցույց տալիս, ուրեմն այս անկարող իշխանությունը պետք է թողներ հեռանար եւ ասպարեզ բացեր նրանց համար, ովքեր կարողունակ են: Մենք մինչեւ հիմա չգիտենք՝ իսկապե՞ս հրավառ նյութեր էին պայթել Սուրմալուում, ո՞վ էր ներկրել դրանք, ո՞վ էր ստուգել, արդեն մեկ տարի է, կան ինչ-որ մարդիկ, որոնց հանդեպ քրեական գործը շարունակական ընթացքի մեջ է, բայց որեւէ կալանավորված մարդ չկա մինչեւ հիմա չկա»:
Նրա խոսքով. «Այդ նույն համապատկերում քաղաքական հակառակորդներին, ՏԻՄ ընտրություններում իրենց հաղթած մարդկանց հանդեպ քրեական գործեր են հարուցվում: Զարհուրելի է՝ Մամիկոն Ասլանյանը երկու տարի է գտնվում է կալանքի ներքո, վերջին զարհուրելի թարմ նախադեպը՝ Արմեն Աշոտյանի կալանքի երկարաձգումն է երկու ամսով: Կամ Սմբատյանների գործը… Իրական հանցագործները, ում հանդեպ պետությունը պետք է կանխարգելիչ միջոցառումներ կիրառեր, ազատ շրջում են, գործունեություն են ծավալում, իսկ քաղաքական ընդդիմախոսները գտնվում են կալանքի տակ, ինչի հետեւանքով շատերի մեջ վախ է առաջանում»:
Ինչ վերաբերվում է Սնուփ Դոգի առաջիկա համերգին, Նարինե Դիլբարյանն ասում է «Իհարկե ռեփերին լսելը բոլորովին էլ մեղսալի արարք չէ, բայց ամեն ինչ ունի իր ժամանակը»: Նա նաեւ ընդգծում է, որ համերգի վրա ծախսվելիք գումարը կարելի էր ավելի արդյունավետ եւ հանրօգուտ օգտագործել:
Կարդացեք նաև
Գոհար ՀԱԿՈԲՅԱՆ
