«Մենք հանգել ենք նրան, որ Երեւանի խնդիրների վերաբերյալ այս չափազանց լարված ժամանակաշրջանում Հայաստանի շուրջ ստեղծված այս ողջ զարգացումները ուղղակի թույլ չեն տալիս, որ այդ հարցերով զբաղեցնենք մեր քաղաքացիներին… Այդ հարցերի հիմնարար լուծումը անհնար է շարունակել, եթե Հայաստանն ինքն իր ընտրությունը չկատարի եւ օրակարգ չբերի ԵԱՏՄ-ից դուրս գալու վերաբերյալ որոշում»,- ասուլիսում ասաց «Հանուն Հանրապետության» կուսակցության նախագահ Արման Բաբաջանյանը:
Նրա խոսքով. «Հայաստանը չի կարող լինել ԵԱՏՄ անդամ, իսկ իր մայրաքաղաքը ձգտի դառնալ եվրոպական… Կարծում եմ, որ մեր հակառակորդներն ամեն ինչ անելու են, որպեսզի այս ընտրություններն ուղեկցվեն այնպիսի իրադարձություններով, որոնք կխաթարեն նորմալ, բնականոն ընթացքը… Մենք արդեն տեսնում ենք նշաններ՝ թե Ադրբեջանից, թե Ռուսաստանից, իսկ Հայաստանն այդ իմաստով չունի պատշաճ անվտանգային մեխանիզմներ դրա դեմն առնելու համար: Քաղաքական դաշտում եւ մեդիա տիրույթում բազմաթիվ են այն շրջանակները, որոնք պատրաստ են ծառայեցնել իրենց ձեռքի տակ առկա միջոցները՝ նախընտրական ողջ գործընթացը մղձավանջի վերածելու համար» :
Արման Բաբաջանյանի ձեւակերպմամբ՝ Երեւանի ավագանու ընտրությունները նոր շրջափուլի սկիզբ են դնում այն իմաստով, որ հրատապ անհրաժեշտություն է առաջ գալիս երկրում առկա քաղաքական դասավորությունը փոխելու եւ քաղաքական միջավայրը հիմնարար կերպով վերանայելու. «2 տարի առաջ 200 հազար ընտրող ունեցող քաղաքական սուբյեկտները այս ընտրություններին մասնակցելուց հրաժարվելու մի քանի պատճառներ կարող էին ունենալ՝ կամ իրենց ներքին ուսումնասիրությունները ցույց են տալիս, որ այլեւս չունեն բավարար թվով ընտրողներ, կամ չեն վստահում ընտրական ինստիտուտներին, կամ իրենց քաղաքական գործունեությունը կառուցում են մերժելով այն ժողովրդավարական գործիքը, որը մեր երկրի Սահմանադրությամբ իշխանություն ձեւավորելու միակ միջոցն է: Դրանք ընտրություններն են: Այս բոլոր տարբերակները կանգնեցնում են բոլորիս հրատապ կերպով արտահերթ խորհրդարանական, համապետական ընտրություններ անցկացնելու անհրաժեշտության առաջ»:
Կարդացեք նաև
Գոհար ՀԱԿՈԲՅԱՆ
