«Մենք այսօր ինչի՞ ենք այստեղ հավաքվել։ Արմեն Աշոտյանին պաշտպանելո՞ւ։ Ինքը դրա կարիքը չունի։ Մենք այստեղ հավաքվել ենք մեկ նպատակով, որ մեր հասարակության բոլոր շերտերը, այն շերտերը, որ դեռ մինչեւ այսօր չեն հասկացել, որ մեր խնդիրների խնդիրը, մեր ողբերգությունների ողբերգությունը, Արցախի այսօրվա վիճակը, Հայաստանի այսօրվա վիճակը մեկ մեղավոր ունի։ Եվ այդ մեղավորը Նիկոլն է։ Մենք սա պիտի հասցնենք մեր հասարակության բոլոր շերտերին։
Եվ հիմա մենք եկել ենք այստեղ։ Արմենը մեր պաշտպանության կարիքը չունի։ Ինքն է մեզ պաշտպանում էն փակ տեղից, ինքն է Արցախը պաշտպանում էն փակ տեղից, ինքն է կռիվ տալիս ոգով՝ հայասեր, հայրենանպաստ եւ հայանպաստ։ Ինքը մեզ սովորեցնում է, ինքը մեզ դաս է տալիս, թե ինչպես պիտի կանգնել հանուն Հայաստանի Հանրապետության եւ Արցախի, հանուն ժողովրդավարության, արդարադատության։
Կարդացեք նաև
Եվ քանի դեռ ամբողջ հասարակությունը, ամբողջ սփյուռքը դեռ չեն հասկացել, որ մենք մի խնդիր ունենք, քանի ոտքի չենք կանգնել հաստատակամ ու Նիկոլին նվիրված թայֆային չենք հեռացրել, Արմենն էլ է այնտեղ լինելու, ես էլ եմ այնտեղ լինելու, մեզնից շատերն են այնտեղ լինելու, որովհետեւ մենք դարձել ենք մի հասարակություն, որն այսօր հանդուրժում է դավաճանի, կապիտուլյանտի, անհայրենիքի, չկայացած այդ մարդու կապրիզները։ Եվ եթե համաձայն ենք, պիտի պատրաստ լինենք պայքարի»,-Հակակոռուպցիոն դատարանի առջեւ այսօր կազմակերպված ի պաշտպանություն Արմեն Աշոտյանի հանրահավաքի ժամանակ ասաց ՀՀԿ ԳՄ անդամ Մարգարիտ Եսայանը։
Աշոտ ՀԱԿՈԲՅԱՆ
